أساطير بيبيهات ما قبل التاريخ

في حبة حاجات سمعتهم من كذا أم من دور مامتي و اللي أكبر
حاجات أبصم بالعشرين و مناخيري فوقيهم إنهم أساطير زي أساطير ما قبل التاريخ بالظبط
عدوا معايا :
1. العيال بتخاف من المية - لما تيجي تحميه يعني
و بالمناسبة دي أحب أعرفكم بأستاذي العزيز الأستاذ ( كلاكوتة )
و كلاكوتة ده كان واحد مش راضي يستحمى هابقى أحكيله حكايته بعدين خلونا دلوقتي في أساطيرنا

2. العيل أول ما يركب العربية بينام من صوتها و الهزهزة
ريتاج الحد لله خدت مناعة
بتركب العربية و تتخانق مع اللي بيسوق على عصاية الفتيس

3. العيل بالليل قبل ما ينام تديله حمام - تحميه يعني من الآخر
و لاااااازم - خدي بالك من دي - تغسليله راسه
هتلاقي دماغه تقلت و نام
- جربتها و صدقوني كانت البت بتصحالي مش تنام دي حماية الصباح مش قبل النوم -

أنا فاكرة إن كان في أسطورتين تانيين - أصلي حافظة الرقم مش الأساطير :D - لكن مش فاكراهم دلوقتي لما افتكرهم هقولكم
و كل أسطورة و انتو طيبين
:D

New Tiny Mamy