أحسن نصيحة .. و الرك ع التطبيق " النوم "

فعلااااااااااً
ربنا يخليلي أمي العزيزة
من أغلى نصايحها الجملة دي
" البيبي من أول يوم تروحي بيه بيتك .. أول ما الدنيا تبدأ تليل ع المغرب كده مثلاً تهدي كل حاجة حواليه
الصوت يبقى هادي أوي
النور يبقى على أد الحاجة اللي بتعمليها و يا ريت يكون ضعيف برضه
عشااااااان - و خدوا بالكو من دي أوي - يتعود إن ده وقت هدوء فيتعود إنه وقت (((( النووووووم )))) "
دي بجد نعمة و الله فعلاً
من أول يوم تعملي مع بامبينوكي كده
و تواظبي عليها
مش تعدي أول أسبوع و تدعي عليا إنه برضه مش بينام
بصي بقى هاقولك حاجة
أول شهر - شهرين من عمر النونو بيبقى أصلا نايم على طول تقريبا
يعني لو شوفتي لون عينه يبقى كتر خيره - أنا لحد الفترة دي ما عدت مكنتش عارفة لون عينيها
و هيصحى كل ساعتين عشان يرضع - حتى بالليل
لكن برضه تخليكي ماشية ع النظام ده
لإن انتي شغاله على تنظيم ساعته البيولوجيه مش بتفهمي عقله
بحيث لما يكبر يكون (جسمه) اتعود على الهدوووووووء في الوقت ده فينام أسهل
و حاولي تثبتي معاد آخر رضعة و النوم بعدها على أد ما تقدري
و يا ريت متبقوش بره البيت كتير في وقت الوم أول كام شهر
و لما يكبر كمان مايبقاش كل يوم خروج و سهر عشان اللي عملتيه ميضيعش
و نوماً هانئاً إن شاء الله
^ـ^
New Tiny Mamy