كواليس أول يوم ريتاج

يااااااااااااه
فاكرة اليوم ده كإنه أول الأسبوع اللي فات ده على طول
كان أول يوم ريتاج
و أول يوم مستشفى
و أول يوم عياط - ما أنا لسه نيو مامي بقى
و الأهم من كل ده .." آخر يوم بلطجة "
أينعم
كان آخر يوم بلطجت فيه كما يجب أن تكون البلطجة
كان معادنا في المستشفى - عشان الولادة كانت قيصرية - الساعة 10 الصبح
روحت المستشفى كما يجب أن تكون كل واحدة في أول أيام شهر حملها العاشر .. آخر الواصلين :D
و روحنا للاستقبال نبلغهم إننا وصلنا و عايزين ندخل الأوضة - الدكتورة حاجزة من قبلها بيوم
" أوضة إيه و تبع إيه ؟ " بسسسس كده تعالالي أنا بقى
" أنا دكتورتي د.فلانة " أنا
" مين فلانة دي ؟؟ " سيادته
" د.فلانة و امفروض إنها مبلغة من امبارح " أنا
" محدش مبلغي حاجة " هو
" طييييييب بقى كده ثواني " أنا
ترررررررررن .. موبايلي
" يوة د.فلانة أنا دلوقتي في المستشفى و بيقولولي مليش حجز " أنا
" يعني إيه ؟ إديني الاستقبال " هي
و بس كده
الحدوتة من بعد كده لحد ما دخلت أوضتي
مخدتش 10 دقايق على بعض
و هي دي كواليس أول يوم ريتاج قبل وصولها بدقائق

New Tiny Mamy