سنة أولى ريتاج

أحب أعرفكم بما ينتظركم
عادة بسمع كلمة " سنة أولى زواج " " سنة أولى ماما " " سنة أولى ابتدائي أو جامعة حتى أي حاجة
لكن " سنة أولى ريتاج " !!! بيتهيألي جديدة دي
و خصوصاً بقى
إن ريتاج بتاعتنا دي مظنش ورد زيها على حد غيرنا أبدااااااً
كده أكيد عرفتو
ريتاج دي كتكوتتي الصغننة اللي لسه مكملتش سنة
لكن على رأي جدو - اللي هو جدها هي - " صغير الحجم .. كبيييييييير المشاكل "
- أقنعني بابا ساعتها إن فعلاً في حاجات و جمل كده بتبقى ما قل و دل -
الموهيم يا أيها الأعزاء و خصوصاً العزيزات
إن انتم مدعوين لقضاء رحلة مكوكية سريعة - مقارنة برحلتي أنا و ريتاجـ ـتي ( ريتاج بتاعتي يعني عشان هتقابلكو كتير الكولكيعة دي ) - في سنة أولى بتاعتنا
سنة أولى .. ريتاج
مع تحيات
نيو بابي - تايني مامي
New Pappy - Tiny Mamy