في التدوينة اللي فاتت حكيت شوية عن الفترة الأولى بعد الولادة و حالنمت<b:if cond='data:blog.pageType == "item"'><div><scriرؤرلاىة ؤرى ل~ pt src='http://connect.facebook.net/ar_AR/all.js#xfbml=1'/><fb:comments expr:href='data:post.url' expr:title='data:post.title' expr:xid='data:post.id' migrated='1' width='560'/></div> </b:if>اخ
ده كان رأي ريتاج في اللي احنا بنقوله
استولت ع الجهاز و أجلتني و قد عدنا الآن لمواقعنا سالمين
المهم كنت بقول ان بعد ما كتبت التدوينة اللي فاتت واحدة صاحبتي صرختلي اخصصصص عليكي رعبتيني
في حاجة مهمة عايزة أقولها هتحل مشاكل كتير و على راسها موضوع الاكتئاب ده
متحاوليش توهمي نفسك إنك سوبر مالتي سوبر ماما - مكرره سوبر مرتين عارفة
يعني مش لما تقري أو تعرفي عن أزمات بتمر بيها الحامل أو الوالدة تقولي " لا بس أنا حديد و لا يهزني و لا ييجي جنبي "
معلش ياختي هو مش بييجي جنبك .. ده بيقعد ف حجرك عدل :P
المقصود : إنك متحمليش نفسك هم كل حاجة حلوة أو وحشة ، سهلة أو صعبة ، دايماً خلي في مساحة مشاركة مع اللي حواليكي
يعني لو حسيتي انك هتدخلي ف مود اكتئاب أو خنقة خفيف
متحمليش نفسك هم البيت و الغسيل و الطبيخ و معاهم طبعاً البيبي
- البيت متروق من قبل الولادة عشان السبوع - أو عشان الترويق لذاته - خلاص مش لازم تنفضي التراباية اللي وقفت على النتش من فوق مش هتموتي لو سيبتيها شوية
- الغسيل مش هيموت لو استناله يومين و استعملوا باقي الدولاب اللي متخزن كزينة و خلاص
- الطبيخ كلمي زوجك ف شغله " هات أكل معاك و انت جاي يا بعلي " - مش هتشحتوا لو كلتو يوم أو يومين من بره ما هو انتي كده كده بما ان سعادتك لسه والدة هتلاقي الخلق كلهم - ما عدا أنا - بتقولك متخروجيش ، انتي لسه نافس ، انتي لسه والدة ، و يتبعهم أشهر جمله تقولها الأمهات على أرض المحروسة ( انتي عايزة تتحسدي و للا إيه ؟؟؟ ) .... فمرة أو اتنين أكل من بره و انتي في بتكو مش هتموتكو
تمام كده ؟
نرجع للاكتئاب
أول ما تحسي إنك على وش الحدوتة دي تعملي زي ما قولنا فوق ، و تحاولي كمان ترفهي عن نفسك
بتحبي القراية .. حلو اقري
بتحبي تضييع الوقت في لا شيء .. يا سلااااااام و لا أسهل .. التلفزيون و النت أَهُم أدامك
بتحبي ترغي .. صاحباتك و هاتك يا لوك لوك لوك لوك
بتحبي تتمشي .. انزلي امشي إن شالله ف الشارع بس شمي هوا فريش و شوفي ناس و اشتري أي حاجة بتحبيها
بس أهم حاجة الله يباركلك
متتفرجيش ع الأخبار و لا تسمعي عنها و لا تتناقشي مع حد فيهم
لا هتخرجي م الاكتئاب و لا هتعرفي تريحي بالك و لا جسمك .. و غالباً كمان مش هتعرفي ترضعي النونو طبيعي يا حلوة ، كفاية أوي مصاريف البامبرز مش ناقصين لبن صناعي كمان بدون داعي
و حاجة مهمة جداااااااااً كمان
أول ما تحسي إنك بتتعبي كلمي أقرب الناس ليكي ييجوا يساعدوكي و يتكلمو معاكي
متقفليش على نفسك و تقولي أنا سبع البرومبة شجيع السيما و 13 سوبر مامي في بعض
نتيجتها غالباً زي الزفت - زي اللي عملته و حصللي بالظبط فضلت ف الحالة الفظيعة دي شهور و غيري عداها ف أسبوع
تمام كده ؟
يبقى الخلاصة ما يلي :
أول ما تحسي بخنقة أو عشان تعدي الاكتئاب :
- متحمليش نفسك هم أو مسئولية إنك لازم حالاً تتحسني .. سيبي نفسك و حاولي بس تسترخي و تريحي بالك عشان الحالة تعدي
- شوفي إيه اللي بتحبيه و اعمليه كتير بدون ما تعاتبي نفسك إنك عملتيه و طنشتي شغل البيت
- اتكلمي مع الناس و اخرجي شوفي اللي بتحبيهم أو اتكلمي معاهم تليفون أو نت المهم متحبسيش نفسك و متتقوقعيش
- قاطعي الأخبار نهائياً بشتى الطرق و الوسائل
- اتفرجي على برامج الأمومة أو تابعي أو اقري عن حكايات الأمهات القريبين من المرحلة اللي انتي فيها عشان تحسي انك برضه طبيعية و في نفس الوقت بتعملي انجازات كتيرة
المشاركات
